Осы жылы 1-сыныпқа қабылдау үшін өтініштерді қабылдау 1 сәуірде басталып, 31 тамыз 2025 жылға дейін жалғасады.
Бастауыш, негізгі орта және жалпы орта білім беретін ұйымдарға қабылдаудың үлгілік қағидаларына сәйкес:
9. Бастауыш білім беру бағдарламаларын іске асыратын білім беру ұйымдары 6 жасқа толған және ағымдағы күнтізбелік жылы 6 жасқа толатын балаларды 1-сыныпқа қабылдайды. Білім беру ұйымының қызмет көрсету аумағында тұратын барлық балалардың білім алуына қолжетімділікті қамтамасыз етеді, олардың дайындығына қарамастан.
9-2. Бастауыш білім беру бағдарламаларын іске асыратын білім беру ұйымдарына 1-сыныпқа қабылдау үшін ата-аналардан немесе өзге де заңды өкілдерден құжаттарды қабылдау 1 сәуірден 31 тамызға дейін жүзеге асырылады.
Өтініш беру тәртібі
Ата-аналар немесе заңды өкілдер өтінішті 1 сәуірден 1 тамызға дейін https://egov.kz/ порталы арқылы бере алады.
Қажетті құжаттар тізімі:
Электрондық өтініш беру үшін келесі құжаттар қажет:
1. Ата-аналардың немесе заңды өкілдерінің ЭЦҚ (электрондық цифрлық қолтаңбасы) болуы.
2. Баланың туу туралы куәлігінің скан-көшірмесі (егер бала Қазақстан Республикасынан тыс жерде туған болса).
3. № 065-у нысанындағы "Профилактикалық екпелер картасының" скан-көшірмесі.
4. № 052-2/у нысанындағы "Баланың денсаулық паспортының" скан-көшірмесі.
5. 3х4 см өлшеміндегі баланың цифрлық фотосуреті.
6. Педагогикалық-медициналық-психологиялық комиссияның қорытындысы (болған жағдайда).
Шетел азаматтары үшін:
Бала Қазақстан Республикасында уақытша немесе тұрақты тұратын ата-аналарымен немесе заңды өкілдерімен бірге болуы тиіс. Мектепке қабылдау үшін шетел азаматтары Қазақстан Республикасында тұрақты тұруға рұқсат беретін құжатты және тұрғылықты жері бойынша тіркелгені туралы белгісі бар құжатты ұсынуы қажет.
